ಮಂಗಳೂರು ನಗರದ ಪುರಾತನ ರಸ್ತೆ ಕಾಯಕಲ್ಪಕ್ಕೆ ಜೆ.ಆರ್.ಲೋಬೊ ಗುದ್ದಲಿ ಪೂಜೆ

ಮಂಗಳೂರು ನಗರದ ಪುರಾತನ ರಸ್ತೆ ಕಾಯಕಲ್ಪಕ್ಕೆ ಜೆ.ಆರ್.ಲೋಬೊ ಗುದ್ದಲಿ ಪೂಜೆ

ಮಂಗಳೂರು:ಬಹುನಿರೀಕ್ಷಿತ ಪುರಾತನ ಪ್ರದೇಶದ ಮುಖ್ಯರಸ್ತೆ ಎ.ಬಿ.ಶೆಟ್ಟಿ ಸರ್ಕಲ್ ನಿಂದ ಅಗ್ನಿಶಾಮಕ ಕಚೇರಿ ವರೆಗಿನ ರಸ್ತೆಯನ್ನು 50 ಲಕ್ಷ ರೂಪಾಯಿ ವೆಚ್ಚದಲ್ಲಿ ಕಾಂಕ್ರೀಟಿಕರಣ ಮಾಡುವ ಕಾಮಗಾರಿಗೆ ಶಾಸಕ ಜೆ.ಆರ್.ಲೋಬೊ ಅವರು ಇಂದು ಗುದ್ದಲಿ ಪೂಜೆ ನೆರವೇರಿಸಿದರು.

ಈ ಸಂದರ್ಭದಲ್ಲಿ ಮಾತನಾಡಿದ ಶಾಸಕ ಜೆ.ಆರ್.ಲೋಬೊ ಅವರು ಮಂಗಳೂರಿನಲ್ಲಿ ಪುರಾತನ ಪ್ರದೇಶವಾದ ಇದನ್ನು ಆಧುನೀಕರಣದ ರಸ್ತೆಯನ್ನಾಗಿ ಅಭಿವೃದ್ಧಿ ಪಡಿಸುವಂತೆ ಸ್ಥಳೀಯರು ನಗರಪಾಲಿಕೆ ಸದಸ್ಯರ ಮೂಲಕ ಮನವಿ ಕೊಟ್ಟು ಒತ್ತಾಯ ಮಾಡಿದ್ದರಿಂದ ತಾವು ಈ ಪ್ರದೇಶಕ್ಕೆ ಭೇಟಿಕೊಟ್ಟು ಅಧ್ಯಯನ ಮಾಡಿ ಮುಖ್ಯಂತ್ರಿಗಳ ವಿಶೇಷ ಅನುದಾನದಲ್ಲಿ 50 ಲಕ್ಷ ರೂಪಾಯಿ ಒದಗಿಸಲು ಶಿಫಾರಸು ಮಾಡಿದ ಹಿನ್ನೆಲೆಯಲ್ಲಿ ಈಗ ಕಾಮಗಾರಿ ನಿರ್ಣಾಯಕ ಹಂತಕ್ಕೆ ಬರಲು ಪ್ರೇರಣೆ ಯಾಗಿದೆ ಎಂದರು.

image001contonmentroad-concrete-20160916-001 image002contonmentroad-concrete-20160916-002 image003contonmentroad-concrete-20160916-003 image004contonmentroad-concrete-20160916-004 image005contonmentroad-concrete-20160916-005 image006contonmentroad-concrete-20160916-006 image007contonmentroad-concrete-20160916-007 image008contonmentroad-concrete-20160916-008 image009contonmentroad-concrete-20160916-009 image010contonmentroad-concrete-20160916-010 image011contonmentroad-concrete-20160916-011

ಕಾಮಗಾರಿಯಲ್ಲಿ ಯಾವುದೇ ತೊಂದರೆ ಆಗದಂತೆ ಎಲ್ಲರ ವಿಶ್ವಾಸ ಗೆಲ್ಲುವ ನಿಟ್ಟಿನಲ್ಲಿ ಕಾಮಗಾರಿಯನ್ನು ಗುತ್ತಿಗೆ ಪಡೆದಿರುವ ರಾಮ ಕಾಮತ್ ಅವರು 3 ತಿಂಗಳಲ್ಲಿ ಪೂರ್ಣಗೊಳಿಸುತ್ತಾರೆ ಎಂದು ನುಡಿದರಲ್ಲದೇ ಈ ಭಾಗದ ಜನರು ಬಹಳ ಕಾಲದ ನಂತರ ಸುಸಜ್ಜಿತವಾದ ರಸ್ತೆಯನ್ನು ಹೊಂದಿ, ವಾಹನಗಳ ದಟ್ಟಣೆಯಿಲ್ಲದೆ ನಿರಾತಂಕವಾಗಿ ಸಾಗಲು ನೆರವಾಗಲಿದೆ ಎಂದರು.

ಮಂಗಳೂರನ್ನು ಅತ್ಯಾಧುನಿಕ ನಗರವನ್ನಾಗಿ ಮಾಡಲು ಈ ರಸ್ತೆ ಕಾಮಗಾರಿ ಸಹಕಾರಿಯಾಗಲಿದೆ. ಇನ್ನೂ ಕೆಲವು ರಸ್ತೆಗಳನ್ನು ಆಧುನಿಕಗೊಳಿಸುವ ಬಗ್ಗೆ ತಾವು ಚಿಂತಿಸಿದ್ದು ಅವುಗಳನ್ನು ಹಂತ ಹಂತವಾಗಿ ಮೇಲ್ದರ್ಜೆಗೇರಿಸುವುದಾಗಿ ನುಡಿದರಲ್ಲೇ ಈ ಕೆಲಸಕ್ಕೆ ಎಲ್ಲರ ನೆರವನ್ನು ಯಾಚಿಸಿದರು.

ಸಮಾರಂಭದಲ್ಲಿ ಮೇಯರ್ ಹರಿನಾಥ್, ಉಪಮೇಯರ್ ಸುಮಿತ್ರ ಕರಿಯ, ನಗರಪಾಲಿಕೆ ವರ್ಕ್ಸ್ ಕಮಿಟಿ ಚೇರ್ಮನ್ ಲ್ಯಾನ್ಸಿ ಲಾರ್ಟ್ ಪಿಂಟೊ , ನಗರ ಪಾಲಿಕೆ ಮುಖ್ಯಸಚೇತಕ ಶಶಿಧರ ಹೆಗ್ಡೆ, ವಿನಯರಾಜ್, ದೀಪಕ್ ಪೂಜಾರಿ, ಅಬ್ದುಲ್ ಲತೀಫ್, ದಿವಾಕರ, ಕೆ.ಎಸ್.ಆರ್.ಟಿ.ಸಿ ನಿರ್ದೇಶಕ ಟಿ.ಕೆ.ಸುಧೀರ್, ಕಾಮಗಾರಿ ಗುತ್ತಿಗೆ ದಾರ ರಾಮ ಕಾಮತ್, ನಗರಪಾಲಿಕೆ ಇಂಜಿನಿಯರ್ ಲಿಂಗೇಗೌಡ, ಲಕ್ಷ್ಮಣ ಪೂಜಾರಿ ಮತ್ತಿತರರಿದ್ದರು.

Leave a Reply