ವಿಮೆನ್ ಎಂಪವರ್ಮೆಂಟ್
ವಿಮೆನ್ ಎಂಪವರ್ಮೆಂಟ್ , ವಿಮೆನ್ ಎಂಪವರ್ಮೆಂಟ್ - ಬೊಬಾಟ್ತಾತ್ ಸಗ್ಳೆ ದಾದ್ಲೆ
ಜಮಾತ್ಯೊ ಕರ್ತಾತ್, ಭಾಷಣಾಂ ಭಿಗ್ದಿತಾತ್, ಅರಾಬಾಯೊ ದಿತಾತ್ ಪಿಂಜೂನ್ ತಾಳೆ
ತರೀ ಅಜೂನ್ ಬಾಯ್ಲ್ ಮನ್ಶ್ಯಾಂಕ್ ಎಂಪವರ್ಮೆಂಟ್ ಕರುಂಕ್ ಸಕಾನಾಂ ಜಾಲೆ.
ಕಸಲೆ ಎಂಪವರ್ಮೆಂಟ್ ? ಆನಿ ಕಸಲ್ಯಾಕ್ ಸುಕಿಂ ಭಾಷಣಾಂ ?
ಫಕತ್ ಸ್ತೀಯಾಂಕ್ ಮಾಂಕೊಂಡ್ ಕರ್ಚಿಂ ಸಾದನಾಂ
ಸ್ತ್ರೀ ಪ್ರಗತೆಕ್ ಪಾವಾನಾಶೆಂ ಪಾಕಾಟೆ ಮೊಡ್ಚಿಂ ಹಾತೆರಾಂ.
ಸ್ತ್ರೀಯಾಂಚ್ಯಾ ಕಾಮಾಂಕ್ ಮೆಳ್ತಾತ್ ಫಕತ್ ಖೆಳ್ಕುಳಾಂ.
ಕಿತ್ಲ್ಯೊ ಸ್ತ್ರೀಯೊ ನಿಸ್ವಾರ್ಥಿ ಸೆವಾ ದಿತಾತ್ ಸಮಾಜೆಂತ್
ಕುಶಿಕ್ ಲೊಟಿನ್ ತಾಂಕಾ ದಾದ್ಲ್ಯಾಂಕ್ ಶೊಲಾಂ ಪಾಂಗ್ರಿತಾತ್
ಅಸಲೊ ಭೇಧ್ ಕರುನ್ ಜಾಯ್ತ್ - ಸ್ತ್ರೀಯಾಂಚೆ ಎಂಪವರ್ಮೆಂಟ್ ?
ಏಕ್ ಆವಯ್, ಏಕ್ ಭಯ್ಣ್, ಏಕ್ ಬಾಯ್ಲ್, ಏಕ್ ಸುನ್ ಜಾವ್ನ್
ಸೆವಾ ಕರ್ತಾ ಸ್ತ್ರೀ ಸರ್ವಾಂಚಿ ಆಪ್ಣಾಚೆಂ ಸುಖ್ ವಿಸ್ರೊನ್
ಎಂಪವರ್ ಕರ್ತಾ ಸಗ್ಳ್ಯಾಂಕ್ ಸಗ್ಳೆ ಕಷ್ಟ್ ಆಪುಣ್ ಸೊಸುನ್
ಜಲ್ಮ್ ದಿಂವ್ಚೆಂ ಭಾಗ್ - ಸ್ತ್ರೀಯೆಕ್ ದೆವಾನ್ ದಿಲ್ಲೆಂ ದೆಣೆಂ
ಹೆಂ ಸತ್ ಜಿವೆಂ ಜಿಣ್ಯೆಂತ್ ವಿಸರ್ಚೆಂ ನಂಯ್ ಕೊಣೆಂ
ಆನಿ ಹ್ಯಾ ದಿಸಾ ಜಾಲೆಂ ತಿಚೆ ಥಂಯ್ ಎಂಪವರ್ಮೆಂಟಾಚೆಂ ಯೆಣೆಂ
ದಾದ್ಲ್ಯಾನೊಂ ಆಯ್ಕಾ - ವಿಮೆನ್ ಎಂಪವರ್ಮೆಂಟ್ ಮ್ಹಳ್ಯಾರ್ ಕಿತೆಂ ಮ್ಹಣ್
ತುಮಿಂ ಕರ್ಚಿಂ ಸರ್ವ್ ಕಾಮಾಂ ಆಮಿಂ ಕರ್ನ್ ಘರ್ದಾರ್ ಸಾಂಬಾಳ್ತಾನಾ
ಅಪಾಪಿಂಚ್ ಜಾತೆಲೆಂ ಎಂಪವರ್ಮೆಂಟ್ -
ಸೆವೆಕ್ ಆಮ್ಚ್ಯಾ ಸಮಾಜೆಂತ್ ಫಾವೊತೊ ಮಾನ್ ಮೆಳ್ತಾನಾ !
- ವಾಯ್ಲೆಟ್ ಪಿರೇರಾ | 
.gif)
.gif)
