ಬಾಂಗ್ಲಾದೇಶದ 19ನೇ ಏಷ್ಯನ್ ಆರ್ಟ್ ಬಿಯೆನ್ನಲ್‍ಗೆ ಮಂಗಳೂರು ಕಲಾವಿದ ಸಂತೋಷ್ ಅಂದ್ರಾದೆ ಆಯ್ಕೆ

Spread the love

ಬಾಂಗ್ಲಾದೇಶದ 19ನೇ ಏಷ್ಯನ್ ಆರ್ಟ್ ಬಿಯೆನ್ನಲ್‍ಗೆ ಮಂಗಳೂರು ಕಲಾವಿದ ಸಂತೋಷ್ ಅಂದ್ರಾದೆ ಆಯ್ಕೆ

ಮಂಗಳೂರು: ಡಿಸೆಂಬರ್ 8, 2022 ರಿಂದ ಜನವರಿ 7, 2023 ರವರೆಗೆ ಬಾಂಗ್ಲಾದೇಶ ರಾಜಧಾನಿ ಢಾಕಾದ ನ್ಯಾಷನಲ್ ಆರ್ಟ್ ಗ್ಯಾಲರಿಯಲ್ಲಿ ನಡೆಯುತ್ತಿರುವ ಪ್ರತಿಷ್ಠಿತ 19ನೇ ಏಷ್ಯನ್ ಆರ್ಟ್ ಬಿಯೆನ್ನಲ್‍ಗೆ ಮಂಗಳೂರಿನ ಕಲಾವಿದ ಸಂತೋಷ್ ಅಂದ್ರಾದೆ ಆಯ್ಕೆಯಾಗಿದ್ದಾರೆ.

ಈ ಏμÁ್ಯದ ಅತಿದೊಡ್ಡ ಕಲಾ ಸಂಭ್ರಮದ 19ನೇ ಆವೃತ್ತಿಯನ್ನು ಮೂಲತಃ 2020ಕ್ಕೆ ನಿಗದಿಪಡಿಸಲಾಗಿತ್ತು ಆದರೆ ಕೋವಿಡ್-19 ಸಾಂಕ್ರಾಮಿಕ ರೋಗದಿಂದಾಗಿ ವಿಳಂಬವಾಯಿತು. ಇದನ್ನು ಬಾಂಗ್ಲಾದೇಶ ಸಾಂಸ್ಕøತಿಕ ವ್ಯವಹಾರಗಳ ಸಚಿವಾಲಯದ ಆಶ್ರಯದಲ್ಲಿ ಬಾಂಗ್ಲಾದೇಶ ಶಿಲ್ಪಕಲಾ ಅಕಾಡೆಮಿ ಆಯೋಜಿಸಿದೆ.

ಬಾಂಗ್ಲಾದೇಶದ ಪ್ರಧಾನ ಮಂತ್ರಿ ಶೇಖ್ ಹಸೀನಾ ಅವರು ಡಿಸೆಂಬರ್ 8, 2022 ರಂದು ಆನ್‍ಲೈನ್ ಮೋಡ್ ಮೂಲಕ ಸಮಾರಂಭವನ್ನು ಉದ್ಘಾಟಿಸಿದರು. ಪ್ರದರ್ಶನವು ಬಾಂಗ್ಲಾದೇಶದ 149 ಕಲಾವಿದರು ಸೇರಿದಂತೆ 114 ದೇಶಗಳ 493 ಕಲಾವಿದರಿಂದ 712 ಕಲಾಕೃತಿಗಳನ್ನು ಪ್ರದರ್ಶಿಸುತ್ತದೆ. ಭಾಗವಹಿಸುವ ಕಲಾವಿದರು ಕಠಿಣ ಆಯ್ಕೆ ಪ್ರಕ್ರಿಯೆಯಲ್ಲಿ ತೇರ್ಗಡೆಯಾಗಬೇಕು, ನಂತರ ಅವರನ್ನು ಅಧಿಕೃತವಾಗಿ ಆಹ್ವಾನಿಸಲಾಗುತ್ತದೆ. ಆಯ್ಕೆಯಾದ ಭಾರತದ ಬೆರಳೆಣಿಕೆಯ ಕಲಾವಿದರಲ್ಲಿ ಸಂತೋಷ್ ಅಂದ್ರಾದೆ ಒಬ್ಬರು. ಅವರ ಆಯ್ದ ಕೃತಿ, ‘ಭವ್ಯವಾದ ಭೂದೃಶ್ಯಗಳ ನಡುವೆ ನಗರ ಅತಿರೇಕಗಳು’ (60″x72″ ಕ್ಯಾನ್ವಾಸ್‍ನಲ್ಲಿ ಅಕ್ರಿಲಿಕ್) ಪ್ರಸ್ತುತ ಪ್ರದರ್ಶನದಲ್ಲಿದೆ. ಇದು ಜನವರಿ 7 ರಂದು ಮುಕ್ತಾಯಗೊಳ್ಳಲಿದೆ.

ಸಂತೋಷ್ ಅಂದ್ರಾದೆ ಅವರು ಬಿಳಿ ಧೋತಿ ಮತ್ತು ಶಾಲುಗಳೊಂದಿಗೆ ದಕ್ಷಿಣ ಭಾರತದ ಸಾಂಪ್ರದಾಯಿಕ ಉಡುಪನ್ನು ಧರಿಸಿ ಉದ್ಘಾಟನಾ ಸಮಾರಂಭದಲ್ಲಿ ಭಾಗವಹಿಸಿದ್ದರು. ಭಾಗವಹಿಸಿದ ಇತರ ಹೆಚ್ಚಿನ ಕಲಾವಿದರು ತಮ್ಮ ದೇಶಗಳ ಸಾಂಪ್ರದಾಯಿಕ ಬಟ್ಟೆಗಳನ್ನು ಧರಿಸಿದ್ದರು. ಭಾಗವಹಿಸಿದ ಎಲ್ಲರಿಗೂ ಅದ್ದೂರಿ ಸ್ಥಳೀಯ ಆತಿಥ್ಯವನ್ನು ನೀಡಲಾಯಿತು. ಪ್ರದರ್ಶನಗಳು ಮತ್ತು ವಿಚಾರ ಸಂಕಿರಣಗಳಲ್ಲದೆ, ಒಂದು ವಾರದ ಅವಧಿಯಲ್ಲಿ ವಿವಿಧ ಸಾಂಸ್ಕøತಿಕ ಕಾರ್ಯಕ್ರಮ ಮತ್ತು ಐತಿಹಾಸಿಕ ಸ್ಥಳಗಳಿಗೆ ಭೇಟಿಗಳನ್ನು ಆಯೋಜಿಸಲಾಗಿತ್ತು. ನದಿ ದೋಣಿ ವಿಹಾರದಲ್ಲಿ ವಿಶೇಷ ಕಲಾ ಶಿಬಿರ ನಡೆಯಿತು.
ಕಲಾ ಕಾರ್ಯಕ್ರಮವು ಪ್ರಪಂಚದಾದ್ಯಂತದಿಂದ ಭಾಗವಹಿಸುವ ಕಲಾವಿದರು ರಚಿಸಿದ ವರ್ಣಚಿತ್ರಗಳು, ಮುದ್ರಣಗಳು, ಛಾಯಾಚಿತ್ರಗಳು, ಪ್ರತಿμÁ್ಠಪನಾ ಕಲೆ, ಪ್ರದರ್ಶನ ಕಲೆ, ಶಿಲ್ಪಕಲೆ ಮತ್ತು ಹೊಸ ಮಾಧ್ಯಮ ಕಲೆ ಸೇರಿದಂತೆ ವಿವಿಧ ಕಲಾ ಪ್ರಕಾರಗಳನ್ನು ಪ್ರದರ್ಶಿಸುತ್ತದೆ. ‘ಮನೆ ಮತ್ತು ನೆಲದಪ್ಪಿಕೆ’ ವಿಷಯದ ಕುರಿತು ಎರಡು ದಿನಗಳ ವಿಚಾರ ಸಂಕಿರಣವೂ ನಡೆಯಿತು.


Spread the love

Leave a Reply

Please enter your comment!
Please enter your name here