ಹಾಂವ್ ಶಿಕ್ಲೊಂ! ಜಿವಿತ್ ಕಿತೆಂ?

Spread the love

ಹಾಂವ್ ಶಿಕ್ಲೊಂ! ಜಿವಿತ್ ಕಿತೆಂ?

ಆವಯ್ಚ್ಯಾ ದುದಾ ಧಾವ್ನ್ ಪೆಜೆಚ್ಯಾ ನಿಸಾ ಪರ್ಯಾಂತ್
ಇಸ್ಕೊಲಾಚ್ಯಾ ಮೆಟಾ ಥಾವ್ನ್ ಇಗರ್ಜೆಚ್ಯೆ ಮಾತಿಯೆ ಪರ್ಯಾಂತ್
ಇಷ್ಟಾಚ್ಯಾ ಆಂಗ್ಣಾ ಧಾವ್ನ್ ಒಫಿಸಾಚ್ಯಾ ಮೆಜಾ ಪರ್ಯಾಂತ್
ಹಾಂವ್ ಶಿಕ್ಲೊಂ!

ಶಿಕ್ಲ್ಲೆಂ ಶಿಕಪ್ ಖಂಯ್ಸರ್ ಪಾಯ್ತಾ?
ದೆವಾಚೊ ಮೊಗ್ ಚಾಕುಂಕ್
ರಚ್ಣೆಚೊ ಪೋಸ್ ಕರುಂಕ್
ಸಮಾಜೆಂತ್ ನೀತ್ ಹಾಡುಂಕ್
ಕುಟ್ಮಾಂತ್ ಶಾಂತಿ ಒಂಪುಂಕ್
ಮ್ಹಜ್ಯೆ ಥಂಯ್ ಸಮಾಧಾನ್ ರುತಾ ಕರುಂಕ್?

ಧರ್ಮಾಂ ಮಧೆಂ ದ್ವೇಷ್ ಹಾಡುಂಕ್
ನೆಣ್ತ್ಯಾಂಚೊ ಸಂಹಾರ್ ಕರುಂಕ್
ಅಬಲ್ ಚಲಿಯಾಂಚೆರ್ ಅತ್ಯಾಚಾರ್ ಚಲೊಂವ್ಕ್
ದುಬ್ಳ್ಯಾಚೊ ಗಳೊ ಚಿರ್ಡುಂಕ್
ಪಿಡೆಸ್ತಾಂಚೊ ದುಡು ಪಿಳುಂಕ್
ಭುರ್ಗ್ಯಾಂಕ್ ವ್ಯಭಿಚಾರಾಕ್ ವೊಡುಂಕ್?
ಹೆರಾಂಚ್ಯಾ ಹದ್ರ್ಯಾರ್ ಪಾಂಯ್ ದವ್ರುನ್ ಅಧಿಕಾರ್ ಚಲೊಂವ್ಕ್

ಹೆಂ ಶಿಕಪ್ ನ್ಹಯ್ ಶಿಕ್ಣಾಂ
ಮೋಗ್ ನ್ಹಯ್ ರೋಗ್
ಬೂದ್ ನ್ಹಯ್ ಬಾಳ್ಬೂದ್
ವ್ಯವಹಾರ್ ನ್ಹಯ್ ಅತ್ಯಾಚಾರ್
ಫುಡಾರ್ ನ್ಹಯ್ ಶಿರಾಪ್

ಜಿವಿತ್ ಶಿಕಯ್ತಾ ಶಿಕ್ಯಾಂ
ಪದ್ವಿ ಭಾಸಾಯ್ತಾ ಜೊಡ್ಯಾಂ
ಅವಯ್ ದಿತಾ ಘೆವ್ಯಾಂ
ಹೆರಾಂಕ್ ದಿಂವ್ಕ್ ಫುಡೆಂ ಸರ್ಯಾಂ
ಹೆಂ ಶಿಕಪ್ ಮರಾ ಪರ್ಯಾಂತ್
ಸಾಸಣ್ ಜಿವಿತ್ ಆಪ್ಣಾಂವ್ಕ್

 

Fr Joachim D’Souza, Capuchin is a catholic priest obtained his Doctorate in the faculty of Human Rights. He has finished his Bachelor’s degree in Sociology and Laws (LLB) and completed Masters in Sociology and Laws (LLM). He is engaged in teaching philosophical and Theological colleges and a resource person in current subjects at various institutions. As an advocate mediates to settle the long-pending litigations of property, families and drafts the legal documents. Presently resides at Asha Kiran, Heroor, Brahamavar, Udupi, Karnataka, India.


Spread the love