ಆಳ್ವಾಸ್ ಪ್ರಗತಿ -2019 – ಬೃಹತ್ ಉದ್ಯೋಗ ಮೇಳ- ಪ್ರಮುಖ ವಲಯಗಳ ಸುವರ್ಣಾವಕಾಶಗಳು

75

ಆಳ್ವಾಸ್ ಪ್ರಗತಿ -2019 – ಬೃಹತ್ ಉದ್ಯೋಗ ಮೇಳ- ಪ್ರಮುಖ ವಲಯಗಳ ಸುವರ್ಣಾವಕಾಶಗಳು

ಮಂಗಳೂರು: ಮೂಡಬಿದಿರೆಯ ಆಳ್ವಾಸ್ ಶಿಕ್ಷಣ ಪ್ರತಿಷ್ಠಾನದವತಿಯಿಂದ ಆಯೋಜಿಸಲ್ಪಡುತ್ತಿರುವ ಬೃಹತ್ ಉದ್ಯೋಗ ಮೇಳ ಪ್ರಮುಖ ವಲಯಗಳ ಅವಕಾಶಗಳೊಂದಿಗೆ ಜೂನ್ 21 ಮತ್ತು 22 ರಂದು ಮೂಡುಬಿದಿರೆಯ ವಿದ್ಯಾಗಿರಿ ಆವರಣದಲ್ಲಿ ನಡೆಯಲಿದೆ ಎಂದು ಆಳ್ವಾಸ್ ಶಿಕ್ಷಣ ಪ್ರತಿಷ್ಠಾನ, ಮೂಡುಬಿದಿರೆ ಇದರ ಮ್ಯಾನೆಜಿಂಗ್ ಟ್ರಸ್ಟಿ ವಿವೇಕ್ ಆಳ್ವ ಹೇಳಿದರು.

ಅವರು ನಗರದ ಪ್ರೆಸ್ ಕ್ಲಬ್ ನಲ್ಲಿ ಶನಿವಾರ ಆಯೋಜಿಸಿದ ಮಾಧ್ಯಮಗೋಷ್ಠಿಯಲ್ಲಿ ಮಾತನಾಡಿ ಹನ್ನೊಂದನೆ ಆವೃತ್ತಿಯ ಉದ್ಯೋಗ ಮೇಳ ‘’ಆಳ್ವಾಸ್ ಪ್ರಗತಿ’’ಯನ್ನು ಜೂನ್ 21 ರಂದು ಪೂರ್ವಾಹ್ನ 09.30ಕ್ಕೆ ರಾಜೀವ್ ಗಾಂಧಿ ಆರೋಗ್ಯ ವಿಜ್ಞಾನಗಳ ವಿಶ್ವವಿದ್ಯಾಲಯದ ಕುಲಪತಿ ಡಾ. ಎಸ್. ಸಚ್ಚಿದಾನಂದ ಉದ್ಘಾಟಿಸಲಿದ್ದು, ಮಂಗಳೂರು ವಿಶ್ವವಿದ್ಯಾಲಯದ ಕುಲಪತಿ ಪ್ರೋ. ಪಿ. ಸುಬ್ರಮಣ್ಯ ಯಡಪಡಿತ್ತಾಯ ಮುಖ್ಯ ಅತಿಥಿ ಗಳಾಗಿ ಆಗಮಿಸಲಿದ್ದಾರೆ. ಮೂಲ್ಕಿ-ಮೂಡುಬಿದಿರೆ ವಿಧಾನಸಭಾ ಕ್ಷೇತ್ರದ ಶಾಸಕ ಉಮಾನಾಥ್ ಕೋಟ್ಯಾನ್ ಅಧ್ಯಕ್ಷತೆ ವಹಿಸಲಿದ್ದು, ಆಳ್ವಾಸ್ ಶಿಕ್ಷಣ ಪ್ರತಿಷ್ಠಾನದ ಅಧ್ಯಕ್ಷ ಡಾ. ಎಂ. ಮೋಹನ್ ಆಳ್ವ ಕಾರ್ಯಕ್ರಮದಲ್ಲಿ ಉಪಸ್ಥಿತರಿರಲಿದ್ದಾರೆ.

ಆಳ್ವಾಸ್ ಪ್ರಗತಿ-2019ರ ಹನ್ನೊಂದನೆ ಆವೃತ್ತಿಯಲ್ಲಿ ಐಟಿ, ಐಟಿಎಸ್, ಮ್ಯಾನುಫ್ಯಾಕ್ಚರಿಂಗ್, ಹೆಲ್ತ್ಕೇರ್ ಮತ್ತು ಫಾರ್ಮಾ, ಮಾರಾಟ ಮತ್ತು ಚಿಲ್ಲರೆ ವ್ಯಾಪಾರ, ಆಟೋಮೊಬೈಲ್, ಬ್ಯಾಂಕಿಂಗ್ ಮತ್ತು ಹಣಕಾಸು, ಹಾಸ್ಪಿಟಾಲಿಟಿ, ಶಿಕ್ಷಣ ಮತ್ತು ಎನ್ಜಿಓಗಳನ್ನು ಪ್ರತಿನಿಧಿಸುವ ಉನ್ನತ ಕಂಪೆನಿಗಳು ನೇಮಕಾತಿ ನಡೆಸಲಿವೆ. ಈ ಕಂಪೆನಿಗಳು ಪದವಿ ಮತ್ತು ಸ್ನಾತಕೋತ್ತರ ಪದವೀಧರರು, ವೈದ್ಯಕೀಯ ಮತ್ತು ಪ್ಯಾರಾ ಮೆಡಿಕಲ್, ಇಂಜಿನಿಯರಿಂಗ್, ಆಟ್ರ್ಸ್, ಕಾಮರ್ಸ್ ಹಾಗೂ ಮ್ಯಾನೇಜ್ಮೆಂಟ್, ಬೇಸಿಕ್ ಸೈನ್ಸ್, ನರ್ಸಿಂಗ್, ಐಟಿಐ, ಡಿಪ್ಲೊಮಾ, ಪಿಯುಸಿ ಮತ್ತು ಎಸ್ಎಸ್ಎಲ್ಸಿ ಮತ್ತು ಇತರ ವಿದ್ಯಾರ್ಹತೆಗಳುಳ್ಳ ಪ್ರತಿಭಾವಂತ ವಿದ್ಯಾರ್ಥಿಗಳಿಗೆ ಉದ್ಯೋಗಾವಕಾಶ ಕಲ್ಪಿಸಲಿವೆ.

ಆಳ್ವಾಸ್ ಪ್ರಗತಿ-2019 ಪ್ರಮುಖವಲಯಗಳ ಉತ್ತಮ ಉದ್ಯೋಗವಕಾಶಗಳ ಮಹಾಪೂರ

  • ನರ್ಸ್, ವೈದ್ಯರು, ಫಿಜಿಯೋತೆರಪಿಸ್ಟ್, ಲ್ಯಾಬ್ ಟೆಕ್ನಿಷಿಯನ್, ತೆರಪಿಸ್ಟ್ಗಳಿಗೆ ಆರೋಗ್ಯ ಕ್ಷೇತ್ರದ ಪ್ರತಿಷ್ಟಿತ ಆಸ್ಪತ್ರೆಗಳಾದ ಅಪೋಲೋ, ಕ್ಲೌಡ್ನೈನ್, ಎ.ಜೆ ಜೊತೆಗೆ ನಾಡಿನ ಇನ್ನಿತರ ಪ್ರತಿಷ್ಟಿತ 15 ಆಸ್ಪತ್ರೆಗಳಲ್ಲಿ ಉದ್ಯೋಗಾವಕಾಶಗಳಿವೆ.
  •  ಮಲ್ಟಿನ್ಯಾಷನಲ್ ಆಡಿಟ್ ಕಂಪೆನಿಗಳಾದ ಇವೈ ಹಾಗೂ ಥಾಮ್ಸನ್ ರಾಯಿಟರ್ಸ್ ಈ ಉದ್ಯೋಗ ಮೇಳದಲ್ಲಿ ಪಾಲ್ಗೊಳ್ಳಲಿವೆ.
  • ಟೊಯೋಟೊ ಇಂಡಸ್ಟ್ರಿಸ್ ಇಂಜಿನ್ ಇಂಡಿಯಾ ಪ್ರೈ.ಲಿ., ಟಿಎಮ್ಇಐಸಿ, ಸ್ಯಾನ್ರಿಯಾ ಇಂಜಿನಿಯರಿಂಗ್, ಸ್ವಿಚ್ಗೇರ್ ಎಕ್ಸಪರ್ಟೈಸ್ ಕಂಪೆನಿಗಳು ಮ್ಯಾಕನಿಕಲ್ ಕ್ಷೇತ್ರದ ಪ್ರಮುಖ 70 ಉದ್ಯೋಗಾವಕಾಶವನ್ನು ನೀಡಲಿದೆ.
  • ಥಾಮ್ಸನ್ ರಾಯಿಟರ್ಸ್, ಎಂಫಸಿಸ್, ಮೆವಾಂಟಿಕ್, ಕೋಡ್ಕ್ರಾಪ್ಟ್ ಹಾಗೂ ಇನ್ನಿತರ ಐಟಿ ಕಂಪೆನಿಗಳು ಕೋರ್ ಐಟಿ ಕ್ಷೇತ್ರದ 200ಕ್ಕೂ ಅಧಿಕ ಅವಕಾಶಗಳ ಜೊತೆಗೆ ಐಟಿಇಎಸ್ ಕ್ಷೇತ್ರದಲ್ಲ್ಲಿ 2000ಕ್ಕೂ ಮಿಕ್ಕಿದ ಉದ್ಯೋಗವಕಾಶಗಳಿವೆ.
  • ಪ್ರತಿಷ್ಟಿತ ಕಂಪೆನಿಗಳಾದ ಲೇಖಾ ವೈಯರ್ಲೆಸ್, ಆರ್ಟಿಡಬ್ಲ್ಯೂ ಹೆಲ್ತಕೇರ್, ಕಿಡ್ವೆಂಟೋ ಕಂಪೆನಿಗಳು ಕೋರ್ ಇಲೆಕ್ಟ್ರಾನಿಕ್ಸ್ ಇಂಜಿನಿಯರ್ಗಳಿಗೆ ಅವಕಾಶ ನೀಡಲಿದೆ.
  • ಜೆಎಸ್ಡಬ್ಲ್ಯೂ , ಯೆಸ್ ಮ್ಯಾನುಫ್ಯಾಕ್ಚರಿಂಗ್, ಅಜಕ್ಸ್ ಇಂಜಿನಿಯರಿಂಗ್ ಪ್ರೈ. ಲಿ, ನೆಕ್ಸ್ಟೀರ್, ಜೆಕೆ ಟೈರ್ಸ್, ಕೆಯಿನ್ ಫೈ, ಟಫೆ ಹಾಗೂ ಇನ್ನಿತರ ಪ್ರಮುಖ ಕಂಪೆನಿಗಳು ಡಿಪ್ಲೋಮಾ ವಿದ್ಯಾರ್ಥಿಗಳಿಗೆ 500 ಕ್ಕೂ ಅಧಿಕ ಉದ್ಯೋಗಾವಕಾಶವನ್ನು ನೀಡಲಿವೆ.
  • ಐಟಿಐನ ವಿವಿಧ ಅಂಗಗಳಲ್ಲಿ ಮ್ಯಾನುಫೆಕ್ಚರಿಂಗ್ ವಲಯದ ಉದ್ಯೋಗಾಕಾಂಕ್ಷಿಗಳಿಗೆ ವಿಫುಲ ಅವಕಾಶಗಳಿವೆ
  • ವಾಣಿಜ್ಯ, ವಿಜ್ಞಾನ ಹಾಗೂ ಕಲಾ ವಿಭಾಗದ ಪದವೀಧರರಿಗೆ ವಿವಿಧ ವಲಯಗಳಲ್ಲಿ 5000ಕ್ಕೂ ಅಧಿಕ ಉದ್ಯೋಗವಕಾಶಗಳಿವೆ.
  • ಪ್ರತಿಷ್ಟಿತ ಮಲ್ಟಿನ್ಯಾಷನಲ್ ಕಂಪೆನಿ ಹಾಗೂ ನಾಡಿನ ಪ್ರಮುಖ ಬ್ಯಾಂಕ್ಗಳಲ್ಲಿ ಎಂ.ಬಿ.ಎ ಮತ್ತು ಎಂಕಾಂ ಪದವೀಧರರಿಗೆ ಕ್ರಮವಾಗಿ 300 ಹಾಗೂ 100 ಉದ್ಯೋಗವಕಾಶಗಳಿವೆ.
  • ಅಮೇಜಾನ್ ಕಂಪೆನಿ, ಪದವಿ ಹಾಗೂ ಸ್ನಾತಕೋತ್ತರ ಪದವೀಧರರಿಗೆ ಟಿಆರ್ಎಮ್ಎಸ್ ಹಾಗೂ ಫ್ರೋಫೈಲ್ ಕಂಟೆಂಟ್ ರೈಟಿಂಗ್ ಕ್ಷೇತ್ರದಲ್ಲಿ ಅರ್ಹ 150 ಅಭ್ಯರ್ಥಿಗಳಿಗೆ ಅವಕಾಶವನ್ನು ನೀಡಲಿದೆ.
  • ಐಬಿಎಂ, ಟೆಕ್ ಮಹೀಂದ್ರಾ, ಹೆಚ್ಜಿಎಸ್, ಫಿಡ್ಲಿಸ್ ಹಾಗೂ ಇನ್ನಿತರ ಕಂಪೆನಿಗಳು ಟೆಕ್ ಸಪೋರ್ಟನಂತಹ ಉದ್ಯೋಗಾವಕಾಶವಗಳಿಗೆ ಅಭ್ಯರ್ಥಿಯನ್ನು ಆಯ್ಕೆ ಮಾಡಲಿದೆ.
  • ಮಂಗಳೂರು, ಉಡುಪಿ, ಬೆಂಗಳೂರು ಹಾಗೂ ಮೈಸೂರು ಭಾಗದ ಸ್ಟಾರ್ಟಅಪ್ ಕಂಪೆನಿಗಳು ಯುವ ಸಮುದಾಯಕ್ಕೆ ತಮ್ಮ ಭವಿಷ್ಯವನ್ನು ರೂಪಿಸಿಕೊಳ್ಳಲು ಉತ್ತಮ ಅವಕಾಶವನ್ನು ನೀಡಲಿವೆ.

ವಿಶೇಷ ಸೂಚನೆ:

  • ಆಳ್ವಾಸ್ ಪ್ರಗತಿ- 2019ರ ಬಗ್ಗೆ ಹೆಚ್ಚಿನ ಮಾಹಿತಿಗಾಗಿ www.alvaspragati.com ವೆಬ್ಸೈಟ್ನ್ನು ಲಾಗಿನ್ ಆಗಿ
  • ನೋಂದಾವಣೆ ಪ್ರಕ್ರಿಯೆಯು ಎಲ್ಲಾ ಅಭ್ಯರ್ಥಿಗಳಿಗೆ ಮುಕ್ತವಾಗಿದ್ದು, ಜೂನ್ 21 ಹಾಗೂ 22ಎರಡು ದಿನ ನೋಂದಾವಣೆ ಮಾಡಿಕೊಳ್ಳಬಹುದಾಗಿದೆ.
  • ಉದ್ಯೋಗಾಕಾಂಕ್ಷಿಗಳಿಗೆ ಆನ್ಲೈನ್ ನೊಂದಾವಣಿ ಕಡ್ಡಾಯವಾಗಿದ್ದು, ಆ ಮೂಲಕ ಸಂಗ್ರಹವಾದ ಮಾಹಿತಿಯನ್ನು ನೇಮಕಾತಿ ಪ್ರಕ್ರಿಯೆ ಸುಲಲಿತವಾಗಿ ನಡೆಯಲು ಬಳಸಿಕೊಳ್ಳಲಾಗುದು.
  • ಹೊರ ಜಿಲ್ಲೆಗಳಿಂದ ಬರುವ ಉದ್ಯೋಗಾಕಾಂಕ್ಷಿಗಳಿಗೆ ವಸತಿ ವ್ಯವಸ್ಥೆ ಕಲ್ಪಿಸಲಾಗುವುದು.

ಹೆಚ್ಚಿನ ಮಾಹಿತಿಗಾಗಿ ಸಂಪರ್ಕಿಸಿ:
9611686148, 9663190590, 8494934852, 9008907716
ಅಭ್ಯರ್ಥಿಗಳ ಉಚಿತ ನೊಂದಾವಣೆಗಾಗಿ: http://alvaspragati.com/CandidateRegistrationPage

ಸೂಚನೆ: ಐಟಿಐ, ಪಿಯುಸಿ, ಎಸ್ಎಸ್ಎಲ್ಸಿ ಹಾಗೂ ಇನ್ನೂ ಕಡಿಮೆ ವಿದ್ಯಾಭ್ಯಾಸದ ಅಭ್ಯರ್ಥಿಗಳನ್ನು ಹೊರತುಪಡಿಸಿ ಉಳಿದ ಎಲ್ಲಾ ಅಭ್ಯರ್ಥಿಗಳಿಗೆ ಆನ್ಲೈನ್ ನೋಂದಾವಣಿ ಕಡ್ಡಾಯ.

ಉದ್ಯೋಗ ಮೇಳದಲ್ಲಿ ಪಾಲ್ಗೊಳ್ಳುವ ಕಂಪೆನಿಗಳ ಬಗ್ಗೆ, ಅಭ್ಯರ್ಥಿಗಳ ನೋಂದಾವಣಿಗಾಗಿ, ಲಭ್ಯವಿರುವ ವಿವಿಧ ಉದ್ಯೋಗಾವಕಾಶಗಳ ಬಗ್ಗೆ ಮಾಹಿತಿಗಾಗಿ ಸಂಪರ್ಕಿಸಿ: www.alvaspragati.com.

ಪತ್ರಿಕಾ ಗೋಷ್ಠಿಯಲ್ಲಿ ಸುಶಾಂತ್ ಅನಿಲ್ ಲೋಬೊ, (ಮುಖ್ಯಸ್ಥರು, ಉದ್ಯೋಗ ಮತ್ತು ತರಬೇತಿ ವಿಭಾಗ), ಶ್ರೀನಿವಾಸ ಪೆಜತ್ತಾಯ, ಮುಖ್ಯಸ್ಥರು, ಪತ್ರಿಕೋದ್ಯಮ ಹಾಗೂ ಸಮೂಹ ಸಂವಹನ ವಿಭಾಗ, ಜೋನ್ಸನ್ ಫೆರ್ನಾಂಡಿಸ್, ಪ್ರಾಧ್ಯಪಕರು, ಆಳ್ವಾಸ್ ಶಿಕ್ಷಣ ಪ್ರತಿಷ್ಠಾನ, ಮೂಡುಬಿದಿರೆ ಪ್ರಸಾದ್ ಶೆಟ್ಟಿ, ಮಾದ್ಯಮ ಸಂಯೋಜಕರು, ಆಳ್ವಾಸ್ ಶಿಕ್ಷಣ ಪ್ರತಿಷ್ಠಾನ, ಮೂಡುಬಿದಿರೆ ಉಪಸ್ಥಿತರಿದ್ದರು.