ತ್ರಾಸಿ ಅಫಘಾತ ; ಕಂಬನಿ ಮಿಡಿದ ಎಸ್ಪಿ ಅಣ್ಣಾಮಲೈ ಮಾನವೀಯ ಅಂತಃಕರಣ

ತ್ರಾಸಿ ಅಫಘಾತ ; ಕಂಬನಿ ಮಿಡಿದ ಎಸ್ಪಿ ಅಣ್ಣಾಮಲೈ ಮಾನವೀಯ ಅಂತಃಕರಣ

ಕುಂದಾಪುರ: ತ್ರಾಸಿ ಮೊವಾಡಿ ಕ್ರಾಸ್ ನಲ್ಲಿ ಜೂನ್ 21 ರಂದು ನಡೆದ ಭೀಕರ ದುರಂತದಲ್ಲಿ ಮಡಿದ 8 ಮಕ್ಕಳ ಅಂತಿಮ ವಿಧಿ ಪ್ರಕ್ರಿಯೆಯಲ್ಲಿ ಉಡುಪಿ ಜಿಲ್ಲಾ ಎಸ್ಪಿ ಅಣ್ಣಾಮಲೈ ಸಕ್ರಿಯವಾಗಿ ಭಾಗವಹಿಸಿದ ಅವರ ಮಾನವೀಯ ಅಂತಃಕರಣ ಎಲ್ಲರನ್ನು ಕಲಕುವಂತೆ ಮಾಡಿತು.

ತ್ರಾಸಿ ಮೊವಾಡಿ ಸಮೀಪ ರಸ್ತೆ ಅಫಘಾತದಲ್ಲಿ ಮೃತರಾದ ಡಾನ್ ಬೊಸ್ಕೊ ಆಂಗ್ಲ ಮಾಧ್ಯಮ ಶಾಲೆಯ 8 ಪುಟ್ಟ ಕಂದಮ್ಮಗಳ ಅಂತ್ಯ ಸಂಸ್ಕಾರ ಗಂಗೊಳ್ಳ ಹಾಗೂ ತಲ್ಲೂರು ಚರ್ಚುಗಳಲ್ಲಿ ಗುರುವಾರ ಜರುಗಿತು.
ದುರಂತದಲ್ಲಿ ಸಾವನಪ್ಪಿದ ಕೆಲಿಸ್ತಾ- ಕ್ಲಾರಿಸಾ, ಅನ್ಸಿಟಾ – ಆಲ್ವಿಟಾ ಸಹೋದರಿಯರು ಮತ್ತು ಡೆಲ್ವಿನ್ ಅವರ ಅಂತ್ಯಸಂಸ್ಕಾರ ಗಂಗೊಳ್ಳಿಯಲ್ಲಿ ಬೆಳಿಗ್ಗೆ ಜರುಗಿದರೆ ನಿಖಿತ ಅನನ್ಯ ಮತ್ತು ರೊಯ್ ಸ್ಟನ್ ಅವರ ಅವರ ಅಂತ್ಯವಿಧಿ ಸಂಜೆ ತಲ್ಲೂರು ಚರ್ಚಿನಲ್ಲಿ ಜರುಗಿತು.
ಬೆಳಿಗ್ಗೆ ಗಂಗೊಳ್ಳಿಯಲ್ಲಿ ನಡೆದ ಅಂತ್ಯಸಂಸ್ಕಾರಕ್ಕೆ ಆಗಮಿಸಿದ ಅಣ್ಣಾಮಲೈ ಸಂಪೂರ್ಣ ಧಾರ್ಮಿಕ ವಿಧಿ ವಿಧಾನಗಳಲ್ಲಿ ಸಕ್ರಿಯವಾಗಿ ಪಾಲ್ಗೊಂಡು ಕೊನೆಯಲ್ಲಿ ಪೋಲಿಸ್ ಇಲಾಖೆಯ ಪರವಾಗಿ ಅಗಲಿದ ಐದು ಮಕ್ಕಳಿಗೂ ಹೂಗುಚ್ಚ ಇಟ್ಟು ಶ್ರದ್ಧಾಂಜಲಿ ಸಮರ್ಪಿಸಿದರು ಈ ವೇಳೆ ಅವರು ಭಾವುಕಾರದರು. ಬಳಿಕ ಸಂಜೆ ತಲ್ಲೂರು ಚರ್ಚಿಗೆ ಆಗಮಿಸಿ ಅಲ್ಲಿಯೂ ಕೂಡ ಮೂರೂ ಮಕ್ಕಳಿಗೂ ಪುಷ್ಪಗುಚ್ಚವಿಟ್ಟು ಶ್ರದ್ಧಾಂಜಲಿ ಸಲ್ಲಿಸಿದರಲ್ಲದೆ ಅಂತ್ಯ ಸಂಸ್ಕಾರದ ಕೊನೆಯ ತನಕವೂ ನಿತ್ತು ಪೋಲಿಸರಿಗೆ ಸೂಕ್ತ ಮಾರ್ಗದರ್ಶನ ನೀಡಿದರು.
ಒರ್ವ ಪೋಲಿಸ್ ವರಿಷ್ಠಾಧೀಕಾರಿಯಾಗಿ ಘಟನೆ ನಡೆದ ದಿನದಿಂದ ಅಂತ್ಯ ಸಂಸ್ಕಾರದ ತನಕ ತನ್ನ ಪೋಲಿಸ್ ಅಧಿಕಾರಿಗಳಿಂದ ಸಂಪೂರ್ಣ ಸಹಕಾರ ನೀಡಿದ ಅಣ್ಣಾಮಲೈ ಸ್ವತಃ ವ್ಯವಸ್ಥೆಯ ಉಸ್ತುವಾರಿಯನ್ನು ವಹಿಸಿದ್ದು ನೆರೆದ ಸಹಸ್ರಾರು ಜನರು ಅವರ ಮಾನವೀಯ ಅಂತಃಕರಣಕ್ಕೆ ಅಭಿನಂದನೆ ಸಲ್ಲಿಸಿದರು.
ಹೆಮ್ಮಾಡಿಯಿಂದ ಮೊವತ್ತುಮುಡಿಯಿಂದ ಮೃತ ಮಕ್ಕಳ ಮೃತ ದೇಹದ ಅಂತಿಮ ಯಾತ್ರೆಗೆ ಸಂಪೂರ್ಣ ಪೋಲಿಸ್ ಬಂದೊಬಸ್ತನ್ನು ವ್ಯವಸ್ಥೆಗೊಳಿಸಿದ ಎಸ್ಪಿ ಹಾಗೂ ಕುಂದಾಪುರ ಡಿವೈಎಸ್ಪಿ ಮಂಜುನಾಥ್ ಶೆಟ್ಟಿ, ಚರ್ಚಿನಲ್ಲಿ ಕೂಡ ಅಂತಿಮ ವಿಧಿ ವಿಧಾನಗಳು ಶಿಸ್ತುಬದ್ಧವಾಗಿ ನೆರವಾಗಲು ಕುಂದಾಫುರ ಹಾಗೂ ಸ್ಥಳೀಯ ಠಾಣೆಗಳ ಪೋಲಿಸರು ಸಹಕರಿಸಿದರು.